Qyrǵyzstan halqynyń sany 7,4 mln adamǵa jýyqtady
ASTANA. KAZINFORM — Ulttyq statıstıka komıtetiniń málimetinshe, 2025 jylǵy 1 jeltoqsandaǵy jaǵdaı boıynsha Qyrǵyzstannyń turaqty halqynyń sany 7 mln 395 myń adamǵa jetti, dep habarlaıdy Kabar.
2025 jyldyń qańtar–qarasha aılary aralyǵynda respýblıka halqy 112,8 myń adamǵa, ıaǵnı 1,5 paıyzǵa artqan. Halyq sanynyń ósýi negizinen tabıǵı ósim esebinen qamtamasyz etilgen.
«Qyzmat» memlekettik mekemesiniń derekterine sáıkes, 2025 jyldyń qańtar–qarasha aılarynda AHAJ organdarynda 127,8 myń náreste tirkelgen, bul 1 000 adamǵa shaqqanda 19,0 kórsetkishti quraıdy (2024 jyldyń osy kezeńinde – 19,9). Osy kezeńde 29,3 myń adam qaıtys bolǵan, bul 1 000 adamǵa shaqqanda 4,4 kórsetkishke teń (2024 jyly – 4,5).
Nátıjesinde halyqtyń tabıǵı ósimi 98,5 myń adamdy, ıaǵnı 1 000 adamǵa shaqqanda 19,0 kórsetkishti qurady (2024 jyldyń qańtar–qarashasynda – 19,9).
2025 jyldyń qańtar–qarasha aılarynda tabıǵı ósimniń eń joǵary deńgeıi Batken, Osh jáne Jalal-Abad oblystarynda tirkelgen. Al eń tómen kórsetkish Bishkek qalasynda baıqalǵan.
Osyǵan deıin Qyrǵyzstanda zorlyq-zombylyq pen adam saýdasyna qarsy 5200 jedel jelisi ashylǵanyn jazǵan bolatynbyz.