Qyrǵyzstan gıpsokarton ımportyna tyıym salmaq
BІShKEK. KAZINFORM — Úkimet gıpsokartondy avtomobıl kóligimen ımporttaýǵa alty aıǵa tyıym salýdy usynyp otyr, dep habarlaıdy Kazinform agenttiginiń Bishkektegi menshikti tilshisi.
Mınıstrler kabınetiniń tıisti qaýlysynyń jobasy qoǵamdyq talqylaýǵa usynyldy.
Bul shara jergilikti óndirýshilerdi qoldaýǵa jáne ishki naryqty qorǵaýǵa baǵyttalǵan.
Tyıym EAEO SEQ TN 6809 11 000 0 kody boıynsha jiktelgen, tek qaǵaz nemese kartonmen jabylǵan nemese nyǵaıtylǵan, gıpspen áshekeılenbegen taqtalar, paraqtar, panelder, plıtkalar jáne osyǵan uqsas ónimderge qatysty qoldanylady.
Buǵan deıin Qyrǵyzstanda qaǵaz, karton, súrek pen aǵash materıaly eksportyna moratorıı engizilgenin habarladyq.
Al 2025 jyldyń jeltoqsanynda Qyrǵyzstanda elektrondy temeki ımportyna tyıym salyndy.