Qyrǵyzstan elge taýyq jumyrtqasyn ákelýge ýaqytsha tyıym saldy
BІShKEK. KAZINFORM – Qyrǵyzstanda elge taýyq jumyrtqasyn ákelýge ýaqytsha tyıym salyndy. Tıisti qaýlyǵa 5 maýsymda Qyrǵyz Respýblıkasynyń Mınıstrler kabıneti qol qoıdy.
Bul shara eldiń azyq-túlik qaýipsizdigin qamtamasyz etý, ishki naryqtyń qalypty jumys isteýi úshin ónimniń naryqtyq baǵasyn turaqtandyrý, sondaı-aq kóktemgi-jazǵy jáne jazǵy-kúzgi kezeńde otandyq taýar óndirýshilerdi qoldaý maqsatynda engizildi.
Qyrǵyzstanda jumyrtqa óndirisi 90-100%-ǵa jetkeni, al jazǵy-kúzgi kezeńde eldegi úı sharýashylyǵyndaǵy jumyrtqa óndirisi aıtarlyqtaı óskeni atap ótildi. Bul rette elge azyq-túlik qaýipsizdigi talaptaryna saı kelmeıtin ónimderdi ákelý qaýpi artyp otyr.
Veterınarııalyq baqylaý standarttary nashar elderden taýyq jumyrtqasyn ákelý qus tumaýy men salmonellez sııaqty ınfektsııalar men aýrýlardyń taralýyna ákelip, halyqtyń densaýlyǵyna úlken qaýip tóndiredi.
Tyıym 6 aı merzimge engiziledi jáne Qyrǵyz Respýblıkasy arqyly jumyrtqany qaıta eksporttaýǵa, tranzıtke jáne EAEO bir sýbektisinen ekinshisine onyń aýmaǵy sheginde tasymaldaýǵa taralmaıdy.
