Qyrǵyzstan elektromobıl óndirisin bastady
ASTANA. KAZINFORM — Qyrǵyzstan BARS ulttyq brendimen elektromobıl óndirisin bastaýǵa daıyndalyp jatyr, dep habarlaıdy agenttiktiń Bishkektegi tilshisi.
Qyrǵyzstan Ekonomıka jáne saýda mınıstrliginiń málimetinshe, elektr qozǵaltqyshty jolaýshylar kóligi, kommertsııalyq jáne mamandandyrylǵan kólikter shyǵaratyn zaýyttyń iske qosylýy 2026 jyldyń úshinshi toqsanyna josparlanǵan. Qazir jobanyń 75%-y aıaqtaldy.
Bastapqyda óndiristi jartylaı qurastyrý arqyly uıymdastyrý, sodan keıin tolyǵymen qurastyrýǵa jáne tolyq óndiris tsıkline kóshý josparlanǵan.
Zaýyttyń óndiristik qýaty jylyna 10 000 kólikke deıin jetedi, bul 100 jumys ornyn qurýǵa múmkindik beredi.
BARS ulttyq brendimen elektromobıl shyǵarý Qyrǵyzstannyń ishki suranysyn qanaǵattandyryp qana qoımaı, Ortalyq Azııa elderi men Eýrazııalyq ekonomıkalyq odaqqa belsendi túrde eksporttaýǵa baǵyttalǵan.
Buǵan deıin Qyrǵyzstan elektromobılderdi bajsyz ımporttaýǵa qosymsha kvota alǵan bolatyn.
