Qyrǵyzstan elektrli samokat pen skýterlerge arnalǵan jol júrý erejesin ázirledi

ASTANA. KAZINFORM - El úkimeti elektroskýterlerdiń, elektrli skeıtbordtardyń jáne gıdroskýterler jumysyn retteý tártibin bekitti, dep habarlaıdy Kazinform tilshisi.

Erejege sáıkes, jeke mobıldi kólikter tirkeý belgisimen, fonarmen, artqy tejegish shamdarmen, aldyńǵy jáne búıirindegi shaǵylystyrǵyshtarmen, 25 km/saǵ-qa deıin jyldamdyq shektegishpen jabdyqtalýy kerek. Sondaı-aq jalǵa berýshide kólikterdi jalǵa beretin mobıldi qosymshasy bolýy kerek.

Jeke mobıldi kólik paıdalanýshy jalǵa berýshimen kelisimshart jasaıdy. Qujattyń sharttary quraldy paıdalanýshynyń quqyqtaryn, mindetterin jáne jaýapkershiligin, jalǵa berýshiniń quqyqtaryn, mindetteri men jaýapkershiligin, qupııalylyq saıasatyn jáne paıdalanýshynyń jeke derekterin óńdeýdi, tarıfterdi, qyzmet baǵasyn anyqtaý tártibin anyqtaıdy. 

Kólik quraly jalpyǵa ortaq aýmaqta 3 saǵattan astam qaldyrylǵan jaǵdaıda, jergilikti atqarýshy organdar olardy arnaıy saqtaý ornyna aýystyrýǵa quqyly. Alaıda olardyń qaıtarylýyna aqy alynady. 

Paıdalaný erejelerin, jol qozǵalysy erejelerin buzǵan nemese úshinshi tulǵalarǵa zııan keltirgen jaǵdaıda klıentter Qyrǵyz Respýblıkasynyń zańnamasyna sáıkes jaýapty bolady. 

Buǵan deıin Ekibastuzda jeńil kólik pen skýterler soqtyǵysyp, tórt jasóspirim zardap shekkenin jazǵan edik.