Qyrǵyzstan elden maldy shyǵarýǵa salynǵan tyıymdy uzartty
ASTANA. KAZINFORM — Qyrǵyzstan úkimeti el aýmaǵynan iri qara maldy, jylqyny, qoı men eshkini syrtqa shyǵarýǵa qoıylǵan ýaqytsha tyıymdy uzartty, dep habarlaıdy Kazinform agenttiginiń Bishkektegi menshikti tilshisi.
Bul shara eldiń azyq-túlik qaýipsizdigin qamtamasyz etý jáne naryqtaǵy azyq-túlik baǵasyn turaqtandyrý maqsatynda qabyldanǵan.
Tıisti qaýlyǵa sáıkes, el aýmaǵynan iri qara maldy (EAEO TN VED kody 0102), jylqyny (EAEO TN VED kody 0101), qoı men eshkini (EAEO TN VED kody 0104) eksporttaýǵa qoıylǵan tyıym alty aı merzimge belgilendi.
Tyıym kelesi jaǵdaılarǵa qoldanylmaıdy:
-
el aýmaǵy arqyly tranzıtpen tasymaldaýǵa;
-
sporttyq jarystarǵa qatysý úshin shyǵarylatyn jylqylarǵa;
-
shetel memleketterine, halyqaralyq uıymdarǵa nemese jeke tulǵalarǵa syıǵa beriletin jylqylarǵa;
-
memlekettik operator — «Qyrǵyz Agroholdıng» AAQ arqyly eksporttalatyn malǵa (Qyrǵyzstanda ósirilgen maldan basqa);
-
áýe arqyly tasymaldanatyn jylqylarǵa.
Buǵan deıin Qyrǵyzstan áktasty elden shyǵarýǵa qoıylǵan tyıymdy da uzartqan bolatyn.