Qyrǵyzstanda ekstrasenster men sıqyrshylardyń jarnamasyna tyıym salý usynyldy
Jogorký Kenesh depýtaty Marlen Mamatalıev ekstrasenstik qyzmetterdi jarnamalaýǵa tyıym salýdy usyndy. Tıisti zań jobasy qoǵam talqylaýyna shyǵaryldy, dep habarlaıdy Kazinform Kabar agenttigine silteme jasap.
Bul zań jobasy qyzmet kórsetý salasyndaǵy azamattardyń sanasyn kez kelgen okkýlttik, magııalyq jáne basqa da senimsiz ádistermen óz paıdasyna sheshý joldaryn usynatyn manıpýlıatsııalardy boldyrmaý maqsatyn kózdeıdi.
Qıyn jaǵdaıǵa tap bolǵan azamattar qıyndyqtan qutylýǵa kepildik beretin ekstrasens nemese sıqyrshylarǵa jıi júginedi.
Mundaı jaǵdaıda joǵaryda atalǵan alaıaqtarǵa júgingen azamattar ǵana zardap shegedi. Úmitsiz kúıde júrgen adam barlyq ýaıymdary men problemalaryn joıýǵa ýáde bergen kez kelgen adamǵa senýge daıyn.
Al sıqyrshylar men ekstrasenster mundaı adamdardyń sezimderimen oınaıdy. Psıhologııanyń kómegimen adamdardyń sanasyn manıpýlıatsııalaýda úlken tájirıbesi bar olar aldyna kelgen adamnyń ótken ómirin aıtyp, bolashaǵyna boljam jasaıdy. Qazirgi tehnologııa men ǵylymı progrestiń qaryshtap damyǵan zamanynda ekstrasenster men magııalyq sıqyrshylardyń aıla-sharǵysyna senetinderdiń kóptigi qynjyltady.
Aıta ketý kerek, Qyrǵyz Respýblıkasynyń «Jarnama týraly» zańynyń 16-babyna sáıkes Qyrǵyz Respýblıkasynyń Quqyq buzýshylyq kodeksi boıynsha jaýapkershilikke ákep soǵatyn taýarlardyń jekelegen túrlerin jarnamalaý erekshelikteri túsinigi bar.
Alaıda, bul zańdar okkýlttik jáne sıqyrly qyzmetter týraly bólikti arnaıy qarastyrmaıdy. Sondyqtan engizilgen tolyqtyrýlar joǵaryda atalǵan qyzmetterdi kórsetýdiń arajigin naqty ajyratýǵa, atap aıtqanda, aqparattyq keńistikte alaıaqtyq áreketterdi jarnamalaýǵa tyıym salýdy engizýge múmkindik beredi.
