Qyrǵyzstan ekonomıkasynyń ósimi jyl basynan beri 8,6 paıyzdy qurady
ASTANA. KAZINFORM — Qyrǵyzstannyń jalpy ishki ónimi 2024 jyldyń qańtar-aqpan aılarynda aldyn ala baǵalaý boıynsha 155,5 mıllıard somdy (1,7 mıllıard AQSh dollarynan astam) qurap, 2023 jyldyń osy kezeńimen salystyrǵanda 8,6 paıyzǵa ósti. Bul týraly seısenbi kúni eldiń Ulttyq statıstıkalyq komıteti habarlady, dep jazady Sınhýa agenttigi.
2024 jyldyń qańtar-aqpan aılarynda ónerkásip óniminiń kólemi ótken jyldyń sáıkes kezeńimen salystyrǵanda 7,8%-ǵa ósti, bul aǵash, qaǵaz jáne baspa ónimderin óndirý kóleminiń 1,6 esege, rezeńke, plastmassa buıymdary men qurylys materıaldaryn óndirý kóleminiń 30,3 paıyzǵa, hımııa ónimderi 27,7 paıyzǵa, farmatsevtıkalyq ónimder 16,8 paıyzǵa, tamaq jáne temeki ónimderi 16,3 paıyzǵa, negizgi metaldar 11,1 paıyzǵa ósti.
Qurylysta (39,5 paıyzǵa), kóterme jáne bólshek saýdada (22,9 paıyzǵa), aýyl sharýashylyǵynda (1,4 paıyzǵa), qonaqúı jáne meıramhana bıznesinde (16,8 paıyzǵa) ósim baıqaldy.
Aǵymdaǵy jyldyń aqpan aıynda 2023 jylǵy jeltoqsanmen salystyrǵanda jalpy respýblıka boıynsha tutynýshylyq baǵalar men tarıfterdiń ósýi 1 paıyzdy qurady.
