Qyrǵyzstan BUU Qaýipsizdik Keńesin keńeıtýdi qoldap otyr
ASTANA. KAZINFORM — Qyrǵyzstan prezıdenti Sadyr Japarov Nıý-Iorkte ótken Birikken Ulttar Uıymy Bas Assambleıasynyń 81-shi sessııasynda BUU Qaýipsizdik Keńesin jańa múshelermen keńeıtýdi usyndy, dep habarlaıdy Kazinform agenttiginiń Bishkektegi tilshisi menshikti tilshisi.
Óz sózinde Qyrǵyzstan basshysy 1945 jyly Birikken Ulttar Uıymy qurylǵannan beri oǵan múshe memleketter men olardyń basshylary Qaýipsizdik Keńesiniń quramyn keńeıtýden basqarý mehanızmderin jańǵyrtýǵa, beıbitshilikti saqtaýǵa jáne adam quqyqtaryn qamtamasyz etýge deıin júıelik reformalardy júzege asyrýǵa tyrysqanyn atap ótti.
Onyń aıtýynsha, bul bastamalar halyqaralyq deńgeıde belsendi talqylanýda; degenmen, kóptegen kúsh-jiger men uzaq talqylaýlarǵa qaramastan, Uıymnyń ınstıtýtsıonaldyq qurylymy ártúrli qıyndyqtarǵa tap bolyp keledi.
— Sondyqtan, men halyqaralyq qoǵamdastyq kútip otyrǵan reforma — Qaýipsizdik Keńesiniń quramyn keńeıtý dep sanaımyn. Halqy bir mıllıardtan asatyn Afrıka qurlyǵyna eki turaqty oryn jáne Latyn Amerıkasyna bir turaqty oryn berý ádiletti sheshim bolar edi, — dedi Qyrǵyzstan basshysy.
Sonymen qatar, Sadyr Japarov búginde álem ózgergendikten, Qaýipsizdik Keńesine múshe bolýǵa nıet bildirgen keıbir damyǵan elderdiń ótinishterin qarastyrǵan oryndy dep sanaıdy.
Eske sala keteıik, 2026 jyldyń 3 maýsymynda Qyrǵyzstan alǵash ret BUU Qaýipsizdik keńesiniń turaqty emes múshesi bolyp saılandy.
