Qyrǵyzstan blogerlerdi salyq tóleýge mindettemek
ASTANA. KAZINFORM – Qyrǵyz Respýblıkasynyń Mádenıet, aqparat jáne jastar saıasaty mınıstrligi onlaın-platformalarda tsıfrlyq kontent jasap júrgen azamattardyń quqyqtyq mártebesin aıqyndaıtyn zań jobasyn ázirleýge kiristi. Bul týraly agenttiktiń menshikti tilshisi habarlaıdy.
Jergilikti aqparat quraldarynyń ınternette taraǵan, mınıstrdiń orynbasary Marat Tagaev qol qoıǵan hatyna silteme jasap jazýynsha, aýdıtorııasy 10 myńnan asatyn jáne jarnama arqyly tabys taýyp otyrǵan blogerlerge salyqtyq mindettemeler júktelýi múmkin. Sondaı-aq atalǵan qujatta blogerler óndiretin kontenttiń memlekettik baqylaýǵa alynatyny da ashyq kórsetilgen.
Qazir zań jobasy áli de pysyqtalý ústinde, sondyqtan naqty qansha jazylýshydan bastap talap qoıylatyny týraly aıtýǵa erte deıdi vedomstvo ókilderi. Qujat bıylǵy naýryz aıyna qaraı daıyndalyp, qoǵamdyq talqylaýǵa usynylmaq.
Osyǵan deıin Qazaqstan Parlamentiniń depýtaty Nartaı Sársenǵalıev prank barysynda qoǵamdyq tártipti buzǵandardyń biryńǵaı tizimin jasap, ony jarııalaý qajettigi týraly aıtqanedi.