Qyrǵyzstan bıligi bıznesti tekserýge qoıylǵan shekteýdi alyp tastady

BІShKEK. KAZINFORM — Qyrǵyzstan prezıdenti Sadyr Japarov kásipkerlik sýbektilerin tekserýge shekteý qoıatyn jarlyqtyń kúshin joıdy, dep habarlaıdy Kazinform agenttiginiń tilshisi.

Tıisti qujat Qyrǵyzstannyń «Erkın-Too» memlekettik gazetinde jarııalandy.

— Kásipkerlik sýbektilerge tekserý júrgizýge ýaqytsha tyıym salatyn (moratorıı) prezıdent jarlyǵynyń kúshi joıyldy dep tanylsyn, — delingen qujatta.

Toqtala keteıik, atalǵan moratorıı 2024 jyly 9 qańtarda jarııalanǵan bolatyn. Bıyl qańtarda Qyrǵyzstannyń Ekonomıka mınıstrligi bızneske tekserý júrgizýdi shekteıtin qujattyń kúshin joıýdy usyndy. Óıtkeni, vedomstvo bul baǵytta Sadyr Japarov júktegen barlyq tapsyrmany oryndap úlgergen.

Eske salaıyq, buǵan deıin Qyrǵyzstanda kómirdiń baǵasyn memleket tarapynan retteý toqtatyldy.

Sonymen qatar, Qyrǵyzstanda jer salyǵynyń moratorııi 2030 jylǵa deıin uzartyldy.