Qyrǵyzstan basshylyǵyna qastandyq jasamaq bolǵan Matraımovtyń qaıda júrgeni anyqtaldy

BІShKEK. KAZINFORM — Raıymbek Matraımovtyń Qyrǵyzstan basshylyǵyna qastandyq jasamaq bolǵany úshin Bishkekte ustalǵan transulttyq uıymdasqan qylmystyq top múshelerimen baılanysy bar.

Bul týraly Qyrǵyz Respýblıkasy Ulttyq qaýipsizdik memlekettik komıtetiniń (UQK) baspasóz qyzmeti habar taratty, dep jazady Kabar agenttigi.

Qyrǵyz Respýblıkasynyń Ulttyq qaýipsizdik memlekettik komıtetiniń jedel aqparatyna sáıkes, izdeýde júrgen Raıymbek Matraımov Ázerbaıjan astanasy Bakýde júr.

QR Ulttyq qaýipsizdik komıtetiniń aqparatyna sáıkes, ony ustaý týraly Ázerbaıjan tarapyna hat joldanǵan.

Qazir ázerbaıjandyq polıtsııa ony ustaý jáne odan ári Qyrǵyzstanǵa ekstradıtsııalaý máselesin qarastyryp jatyr.

«Sonymen birge, jedel is-sharalar barysynda Raıymbek Matraımovtyń Qyrǵyzstanda ustalǵan Ázerbaıjannan kelgen transulttyq uıymdasqan qylmystyq top múshelerimen baılanysy bar ekeni anyqtaldy, olar Qyrǵyzstan basshylyǵyna qastandyq jasaýǵa daıyndyq jasaǵan», - delingen habarlamada.

Esterińizge sala keteıik, QR UQK qyzmetkerleri Qyrǵyzstan aýmaǵynda Ázerbaıjannan kelgen uıymdasqan qylmystyq toptyń músheleri: V.M. Alıev, S.A. Bagırov, M.O. Asgarov, M. S. Behbýdov jáne Z.I. Mamedovty ustaǵan bolatyn.