Qyrǵyzstan balasy men qart áke-sheshesin asyraǵysy kelmeıtinderdi kóshe sypyrtyp, túrmege qamamaq
Qyrǵyzstan parlamentinde birinshi oqylymda qabyldanǵan ata-anasyn asyraýdan bas tartqan balalardy qylmystyq jazalaýdy kózdeıtin zań jobasy keri qaıtaryldy, dep habarlaıdy Kazinfom agenttigi 24.kg resýrsyna silteme jasap.
Buǵan deıin qyrǵyzstandyq depýtat Tazabek Ikramov bastamashy bolǵan túzetýler ata-anasyn asyraýdan jaltaryp, qarttar úıinde qaldyrǵany úshin 100 myń somǵa deıin aıyppul salý nemese bir jyldan eki jylǵa deıin bas bostandyǵynan aıyrý jazasyn engizýdi qarastyrǵan bolatyn.
«Kóp usynystar túskendikten olardy dereý eskerý jóninde sheshim qabyldandy, sondyqtan jańa, ózgertilgen zań jobasy qoǵamdyq talqyǵa shyǵaryldy», - dep túsindirdi Jogorký Kenesh.
Endi balalardyń qart ata-anasynyń ǵana emes, kámeletke tolmaǵan nemese múgedek jáne materıaldyq kómekke muqtaj eresekterdiń aldyndaǵy jaýapkershiligi qarastyrylady.
«Qyrǵyzstan Respýblıkasy QK 178, 179-baptaryna aıyppul sanktsııay boıynsha normalar usynylady. Sonymen qatar zańnamada alımenttiń ýaqtyly jáne tolyq tólenýin retteıtin normalar joq, sondyqtan jaýapkershilikti qatańdatý maqsatynda kodekske ózgeris engizý usynylady» delingen anyqtamada.
Zań jobasyna sáıkes, ata-anala alımentin birneshe ret tólemeı qoısa, 40-tan 100 saǵatqa deıin qoǵamdyq jumysqa tartylady nemese toǵyz aıǵa deıin bas bostandyǵynan aıyrylady.
Eger kámeletke tolǵan, eńbekke jaramdy balalar alımentin tólemese, olarǵa 500-den 1 myńǵa deıingi eseptik kórsetkishke deıin aıyppul salynady (50-100 myń som) nemese toǵyz aıǵa deıin bas bostandyǵynan aıyrylady.
Birneshe ret jasalǵan dál sol áreket - 800-den 1 myń 200-ge deıingi aılyq eseptik kórsetkishke (80-den 120 myń somǵa) deıingi mólsherde aıyppul salýǵa ne arnaýly, áskerı, qurmetti ataqtan, dıplomatııalyq dárejeden aıyra otyryp, bir jylǵa deıingi merzimge bas bostandyǵynan aıyrý jazasy kózdeledi.
