Qyrǵyzstan ajyrasqan áıelderdiń áleýmettik jelide oıyn jazýǵa tyıym salǵysy keledi
ASTANA. KAZINFORM — Qyrǵyzstan Mınıstrler Kabınetiniń tóraǵasy Aqylbek Japarov orynbasary Edil Baısalovqa áleýmettik jelilerdegi jarııalanymdardy baqylaýdy tapsyrdy, dep habarlady 24kg.
Onyń aıtýynsha, ajyrasqan áıelder kúıeýi men onyń ata-anasy týraly jaman pikir aıtpaýy kerek.
- Salt-dástúrimizge, ádet-ǵurpymyzǵa qaıshy keletin aqparat taratýdy shekteýimiz kerek. Keıbir áıelder óz ákesin maqtap, qaıyn atasy men enesin jamandaıdy, ajyrasqan soń áleýmettik jelige oıyna kelgendi jazady. Bul jaqsy úlgi emes,- dedi mınıstrler kabınetiniń tóraǵasy.
Aıta keteıik, Qyrǵyzstan Respýblıkasy Іshki ister mınıstrliginiń málimeti boıynsha, 2023 jyldyń aıaǵynda turmystyq zorlyq-zombylyq qurbandarynyń sany 13 myń 104 adamdy qurady. Olardyń 95 paıyzy áıelder.
