Qyrǵyzstan áskerdegi álimjettik jazasyn kúsheıtpekshi

ASTANA.KAZINFORM - Qyrǵyzstan áskerı qyzmetkerler arasyndaǵy qarym-qatynasty retteıtin jarǵylyq erejelerdi buzǵany úshin jazany kúsheıtpekshi, dep habarlaıdy Kazinform agenttiginiń menshikti tilshisi.

Tıisti zań jobasy qoǵamdyq talqylaýǵa shyǵaryldy.

Eldiń áskerı bólimderi men qurylymdarynda áskerı qyzmetshiler arasyndaǵy qarym-qatynasty retteıtin jarǵylyq normalardy buzý faktileri saqtalyp otyrǵany, bul jeke quramnyń moraldyq rýhyna, tártipke, quqyqtyq tártipke keri áserin tıgizetini atalyp ótti.

Zań jobasynda áskerı qyzmetkerlerdi qamaýǵa alýdyń eń uzaq merzimin 5 kúnnen 10 táýlikke deıin ulǵaıtý usynylyp otyr. Sonymen qatar, áskerge shaqyrylýshylarǵa qatysty ókilettikterin asyra paıdalanǵan jaǵdaıda qylmystyq isterdi bosatpaıtyn negizder boıynsha qysqartý múmkindigin joıý usynyldy.

Bul shara jaýapkershilikten bultartpaýdy qamtamasyz etedi, olardy qorǵaýdyń qosymsha quqyqtyq kepildikterin jasaıdy, komandırler men bastyqtardyń ókilettigin asyra paıdalanýyna jol bermeýge kómektesedi.

Buǵan deıin Qyrǵyzstan Konstıtýtsııasyna ólim jazasyn engizý usynylǵanyn habarlaǵan edik.