Qyrǵyzstan alma ımportyna tyıym saldy
ASTANA. KAZINFORM — Qyrǵyzstan úkimeti 2027 jyldyń 1 aqpanyna deıin alma ımporttaýǵa ýaqytsha tyıym saldy, dep habarlaıdy Kazinform agenttiginiń Bishkektegi menshikti tilshisi.
Qyrǵyzstannyń baý-baqsha sharýashylyqtaryn qoldaý, 2026 jylǵy alma ónimin ýaqtyly satýǵa jaǵdaı jasaý jáne salanyń óndiristik áleýetin saqtaý maqsatynda osyndaı shara qabyldanyp otyr.
Bul shekteý úshinshi elderden de, Eýrazııa ekonomıkalyq odaǵyna múshe memleketterden de (EAEO SEQ TN kodtary 0808 10 100 0-den 0808 10 800 8-ge deıin) alma ımporttaýǵa qatysty. Al tranzıt tasymaly men Qyrǵyzstanǵa osy sheshimge deıin jóneltilgen almalarǵa bul tyıym qoldanylmaıdy.
Buǵan deıin Qyrǵyzstanda kartop jáne qant ımportyna ýaqytsha tyıym salýdy usynylǵan bolatyn
