Qyrǵyzstan alǵashqy jerserigin ushyrýǵa daıyndalyp jatyr
ASTANA. KAZINFORM — Qyrǵyzstanda eldiń alǵashqy otandyq jerserigi ázirlendi, dep habarlaıdy Kazinform agenttiginiń Bishkektegi menshikti tilshisi.
Qyrǵyz Respýblıkasynyń Sý resýrstary, aýyl sharýashylyǵy jáne qaıta óńdeý ónerkásibi mınıstrliginiń málimetinshe, jerserikti qazan aıynyń birinshi aptasynda AQSh-tyń Kalıfornııa shtatynan ushyrý josparlanyp otyr.
Ǵarysh apparaty «Qyrǵyz Asman» ashyq aktsıonerlik qoǵamynyń qyrǵyzstandyq mamandary tarapynan ázirlenip, qurastyrylǵan. Joba boıynsha jumystar shamamen 2,5 jyl júrgizilgen.
Vedomstvo málimetinshe, jerserik negizinen aýyl sharýashylyǵy salasynda paıdalanylatyn bolady. Odan alynatyn derekter egistik alqaptardyń jaǵdaıyn baqylaýǵa, tótenshe jaǵdaılardyń saldaryn baǵalaýǵa, aýyl sharýashylyǵy jerleri men jaıylymdardy taldaýǵa, qurǵaqshylyq belgilerin der kezinde anyqtaýǵa jáne ónimdilikti aldyn ala baǵalaýǵa múmkindik beredi.
Budan bólek, jerseriktik monıtorıng muzdyqtardyń, sý resýrstarynyń jáne qorshaǵan ortanyń jaı-kúıindegi ózgeristerdi baqylaýǵa kómektesedi.
Sońǵy daıyndyq jumystary aıaqtalǵannan keıin jerserik ǵaryshqa ushyrylady.
Buǵan deıin Qyrǵyzstanda Starlink jerseriktik ınterneti iske qosylǵany habarlanǵan bolatyn.
