Qyrǵyzstan alǵash ret shaǵyn nomınaldy banknottardy óz elinde basyp shyǵara bastady
ASTANA. KAZINFORM – Qyrǵyzstan alǵash ret 20 jáne 50 som nomınalyndaǵy banknottardy óz aýmaǵynda derbes óndire bastady, dep habarlaıdy Kazinform agenttiginiń Bishkektegi menshikti tilshisi.
Qyrǵyzstan Ulttyq bankiniń málimetinshe, alǵashqy óz banknottaryn shyǵarý Qyrǵyz Respýblıkasynyń táýelsizdiginiń 35 jyldyǵyna oraılastyrylǵan.
— Bul — Qyrǵyzstannyń ekonomıkalyq derbestigi men memlekettik egemendigin nyǵaıtý jolyndaǵy taǵy bir mańyzdy qadam, — delingen habarlamada.
Aıta keteıik, 30 jyldan astam ýaqyt boıy qyrǵyz somy tek shetelde basylyp kelgen.
Eske salaıyq, 2026 jylǵy naýryzda Sadyr Japarov Qyrǵyzstan aqsha jasaý kezinde barlyq qajetti standarttar men talaptarǵa sáıkestigin rastaıtyn halyqaralyq sertıfıkat alǵanyn habarlaǵan bolatyn. El basqa memleketterdiń tapsyrysy boıynsha da valıýta basyp shyǵara alady.
2023 jyly Qyrǵyzstan alǵash ret tarıhta óziniń ulttyq pasporttaryn óz elinde basyp shyǵara bastady. Sondaı-aq 2025 jylǵy sáýirde el basqa memleketterge arnalǵan pasporttardy shyǵara bastaǵany habarlanǵan.
Budan bólek, byltyr 3 qarashadan bastap memleket jańartylǵan dızaıny men kúsheıtilgen qorǵanys elementteri bar 2025 jylǵy úlgidegi jalpyazamattyq pasporttar men jeke kýálikterdi aınalymǵa engizdi.
Aıta ketelik Qyrǵyzstanda oqýshylar men stýdentterdi teatr men mýzeıge barýǵa mindetteý usynyldy.
