Qyrǵyzstan áktastyń eksportyn shekteý merzimin uzartty
ASTANA. KAZINFORM – Qyrǵyzstan Mınıstrler kabınetiniń qaýlysymen el aýmaǵynan Eýrazııalyq ekonomıkalyq odaqtyń kedendik aýmaǵynan tys jerlerge áktas shyǵarýǵa salynǵan ýaqytsha tyıym uzartyldy, dep habarlaıdy Kazinform agenttiginiń Bishkektegi menshikti tilshisi.
Qujatqa sáıkes, óńdelmegen nemese iri túrde usatylǵan, sondaı-aq tikburyshty ne sharshy pishindegi bloktar men taqtalarǵa kesilgen áktastardy (EAEO SEQ TN 2515 11 000 0 jáne 2515 12 000 0 kodtary) eksporttaýǵa tyıym salynady.
Moratorıı alty aıǵa uzartyldy.
Tıisti memlekettik organdarǵa taýarlardy zańsyz áketýdiń aldyn alý jáne jolyn kesý boıynsha qajetti sharalardy qabyldaý tapsyryldy.
Buǵan deıin Qyrǵyzstan qara jáne tústi metall synyqtary men qaldyqtaryn eksporttaýǵa salynǵan tyıymdy da uzartqan bolatyn.