Qyrǵyzstan áktas eksportyn taǵy alty aıǵa toqtatty
ASTANA. KAZINFORM — Qyrǵyzstan Mınıstrler kabınetiniń qaýlysymen el aýmaǵynan Eýrazııalyq ekonomıkalyq odaqtyń (EAEO) kedendik aýmaǵynan tys jerlerge áktasty áketýge ýaqytsha salynǵan tyıym uzartyldy, dep habarlaıdy Kazinform agenttiginiń Bishkektegi menshikti tilshisi.
Qujatqa sáıkes, óńdelmegen nemese iri túrde usaqtalǵan, sondaı-aq aralanǵan ne basqa tásilmen tikburyshty nemese sharshy pishindegi bloktar men taqtalarǵa bólingen áktasty ulýtasty syrtqa shyǵarýǵa tyıym salynǵan. Bul ónimder EAEO SEQ TN-nyń 2515 11 000 0 jáne 2515 12 000 0 kodtaryna jatady.
Moratorıı taǵy alty aıǵa uzartyldy.
Tıisti memlekettik organdarǵa taýarlardy zańsyz áketýdiń jolyn kesýge baǵyttalǵan qajetti sharalardy qabyldaý tapsyryldy.
Buǵan deıin Qyrǵyzstan makýlatýra men kartondy syrtqa shyǵarýǵa salynǵan tyıymdy da uzartqan bolatyn.
