Qyrǵyzstan AQSh azamattary úshin vızasyz rejımdi qaıta qaraýdy usyndy

ASTANA. KAZINFORM – Vıtse-premer-mınıstr Edıl Baısalov AQSh-tyń Qyrǵyzstan azamattary úshin joǵary vızalyq kepil engizýine qatysty pikir bildirdi, dep habarlaıdy Kazinform menshikti tilshisi. 

Sheneýnik áleýmettik jelidegi paraqshasynda qyrǵyzstandyqtar úshin jańa vıza talaptaryna jaýap retinde AQSh azamattary úshin vızasyz rejımdi qaıta qaraýǵa shaqyrdy. 

- Memlekettik departamenttiń keshe Qyrǵyzstan azamattarynan vızaǵa ótinish bergen kezde 15 myń AQSh dollaryna deıin vızalyq depozıt salýdy mindetteıtin jańa vıza talaptary týraly jarııalaýynan keıin biz AQSh azamattaryna arnalǵan vızasyz rejımimizdi qaıta qaraýdy bastaýymyz kerek dep oılaımyn. Vıza saıasaty – teńdik pen ózara qurmet máselesi. Eger azamattarymyzǵa osyndaı joǵary kedergiler qoıylsa, biz eshteńe bolmaǵandaı túr kórsete almaımyz, - dep jazdy ol.

Eske sala ketsek, AQSh týrıstik jáne iskerlik vıza alýǵa ótinish beretin Ortalyq Azııadaǵy úsh eldiń azamattaryn vızalyq kepil baǵdarlamasyna qosty.