Qyrǵyzstan aǵash jáne aǵash ónimderin eksporttaýǵa ýaqytsha tyıym saldy
BІShKEK. KAZINFORM —Qyrǵyzstan mınıstrler kabınetiniń tóraǵasy Aqylbek Japarov Qyrǵyzstannan aǵash pen aǵash materıaldaryn EAEO kedendik aýmaǵynan tysqary aımaqqa shyǵarýǵa ýaqytsha tyıym salýdy engizý týraly qaýlyǵa qol qoıdy, dep jazady Kabar agenttigi.
Qyrǵyz Respýblıkasynyń Ekonomıka jáne saýda mınıstrligine Dúnıejúzilik saýda uıymynyń hatshylyǵy men Eýrazııalyq ekonomıkalyq komıssııany belgilengen tártippen ýaqytsha tyıymnyń engizilgeni týraly habardar etý tapsyryldy.
«Qyrǵyz Respýblıkasynyń Syrtqy ister mınıstrligi osy qaýly kúshine engen kúnnen bastap úsh kúnnen keshiktirmeı Táýelsiz Memleketter Dostastyǵy Atqarýshy komıtetin joǵaryda atalǵan ýaqytsha tyıymnyń engizilgeni týraly habardar etsin.
Memlekettik keden qyzmeti men Qyrǵyz Respýblıkasy Ulttyq qaýipsizdik memlekettik komıtetiniń Shekara qyzmeti osy qaýlynyń 1-tarmaǵynda kórsetilgen taýarlardy zańsyz áketýdiń jolyn kesýge baǵyttalǵan qajetti sharalardy qabyldasyn», - delingen qujatta.
