Qyrǵyzdar Tarazǵa 600-den astam tal men jemis aǵashtarynyń kóshetin ákeldi

Taraz qalasynda Qazaqstan jáne Qyrǵyz Respýblıkalary arasyndaǵy saýda-yntymaqtastyq aıasynda aýyl sharýashylyǵy ónimderiniń jármeńkesi ótti, dep habarlaıdy Kazinform.

Ortalyq alańda uıymdastyrylǵan jármeńkege Qyrǵyzstannyń Talas oblysyndaǵy Manas, Talas, Aıtmatov aýdandary taýar óndirýshileriniń 20,4 tonna ónimderi jetkizilgen.

Aımaq basshysy Erbol Qarashókeev pen Qyrǵyz Respýblıkasy Talas oblysynyń gýbernatorynyń birinshi orynbasary Talant Edılovpen birge aralap, tanysty.

Taýarlardyń ishinde sút ónimderi, alma, kartop, sarymsaq, qyzanaq, tátti burysh, jumyrtqa, balyq, bal jáne 615 dana tal men jemis aǵashtary, 70 túp gúl túrleri bar.

Sondaı-aq, jármeńkede qyrǵyzstandyq taýar óndirýshilermen qatar Jambyl oblysynyń Baızaq, Jambyl, Jýaly, T.Rysqulov, Merki aýdandary men Taraz qalasynyń sharýalary da óz ónimderin tómen baǵada satylymǵa shyǵardy. Olar tutynýshylarǵa jalpy quny 39,5 mln. teńgeni quraıtyn 54,2 tonna aýyl sharýashylyǵy taýarlaryn (jylqy, sıyr, qoı jáne taýyq eti, shujyq, sút, jumyrtqa, balyq, un, makaron, bal, jemis-jıdek, kókónis, kondıterlik ónimder) usyndy.