Qyrǵyz ulttyq banki valıýta naryǵynan 34,3 mln dollar satyp aldy

ASTANA. KAZINFORM — Qyrǵyzstannyń ulttyq banki 11 shildede keri ınterventsııa júrgizip, valıýta naryǵynan 34 mln 300 myń AQSh dollaryn satyp aldy, dep jazady Kabar agenttigi.

Osylaısha retteýshi mámile jasalǵan kúngi esep aıyrysýmen 17,5 mln dollar jáne mámile jasalǵan kúnnen basqa kúni taǵy 16,8 mln dollar satyp aldy.

Bul — jyl basynan beri shetel valıýtasyn satyp alý boıynsha 11-shi ınterventsııa.

Qazirgi ýaqytta dollardyń resmı baǵamy tómendep jatyr jáne 12 shildedegi kórsetkish boıynsha — 85,31 som, al eýro — 92,54 som.

Esterińizge sala keteıik, buǵan deıin QR UB 19 maýsymda — 62,5 mln dollar, 7 maýsymda — 40,7 mln dollar, 4 maýsymda — 16 mln 900 myń dollar, 21 mamyrda — 31,5 mln dollar, 7 mamyrda — 17,7 mln dollar, 26 sáýirde — 24,5 mln dollar, 22 sáýirde — 25 mln 850 myń dollar, 16 sáýirde — 19,2 mln dollar, 8 sáýirde — 17,1 mln dollar, 27 naýryzda — 9 mln dollar satyp alǵan.