Qyrǵyz temir joly lıýks jáne VIP vagondardan 7,3 mıllıon som tabys tapty

BІShKEK. KAZINFORM — «Qyrǵyz temir joly» UK» memlekettik kásiporny 2023 jylǵy qyzmetin qorytyndylap, qol jetkizilgen nátıjege toqtaldy, dep jazady Kabar agenttigi.

Kompanııa baspasóz qyzmetiniń habarlaýynsha, «Qyrǵyz Temir Joly» jyl saıyn temirjol kóliginiń turaqty jáne qaýipsiz jumysyn qamtamasyz etý baǵytynda kásipkerlik sýbektileriniń júkti temir jol tasymalyna jáne halyqtyń jolaýshylar tasymalyna qajettilikterin qanaǵattandyrý maqsatynda óz kórsetkishterin arttyryp keledi.

Máselen, Qyrǵyzstan temir joly 2023 jyly 9 mıllıon 367 myń tonna júk tasymaldap, 2022 jyldyń sáıkes kezeńimen salystyrǵanda 1 mıllıon 345 myń tonnaǵa artyq júk tasymaldaǵan.

Júk tasymalynyń ósýi Qyrǵyz Respýblıkasyna ımporttyń 116,9%-ǵa, sondaı-aq 2022 jyldyń sáıkes kezeńimen salystyrǵanda eksporttyń 145,6%-ǵa artýy esebinen qamtamasyz etildi.

Sonymen qatar, 2023 jyly 247 myń jolaýshy tasymaldandy, onyń ishinde: halyqaralyq qatynasta – 14 myń 283 jolaýshy jáne ishki qatynasta – 232 myń 717 jolaýshy.

2023 jyly negizgi qyzmet pen kólik kirisi nátıjesinde «Qyrǵyzstan Temir Joly» MK balanstyq kirisi 2 mln 628 myń 269 som boldy.

Sonymen qatar, eýropalyq týrıstik kompanııalarmen birge alty týrıstik poıyz Jibek joly baǵyty boıynsha Almaty – Bishkek – Balyqshy – Tashkent – Samarqand – Hýdjand – Buhara – Tashkent baǵytynda júrip ótti.