Qyrǵyz Respýblıkasynyń prezıdenti jumys saparymen Qazaqstanǵa jolǵa shyqty

2 qarashada Qyrǵyz Respýblıkasynyń prezıdenti Sadyr Japarov 3 qarashada ótetin Túrki memleketteri uıymyna múshe elder basshylary Sammıtiniń kezekti otyrysyna qatysý úshin Qazaqstan astanasyna jolǵa shyqty, dep habarlaıdy Kazinform agentiginiń menshikti tilshisi. 

QR Prezıdenti baspasóz qyzmetiniń habarlaýynsha, Sammıt aıasynda memleket kóshbasshylary uıymnyń kún tártibinde turǵan ózekti máselelerdi talqylap, Astana aktin jáne jan-jaqty seriktestiktiń negizgi baǵyttaryn qamtıtyn Sammıttiń qorytyndy Deklaratsııasyn qabyldaıdy.

Resmı delegatsııa quramynda Qyrǵyz Respýblıkasy syrtqy ister mınıstri Jeenbek Kýlýbaev, Qyrǵyz Respýblıkasynyń Qazaqstandaǵy tótenshe jáne ókiletti elshisi Dastan Dıýshekeev, Ekonomıka jáne kommertsııa mınıstri Danııar Amangeldıev, Tótenshe jaǵdaılar mınıstri Boobek Ajıkeev pen Prezıdent ákimshiligi syrtqy saıasat bólimi meńgerýshisiniń orynbasary Talǵat Ashırbekov bar.