Qyrǵyz qyzy álemniń eń úzdik balýany atandy
Áıelder kúresinen álemniń úsh dúrkin chempıony, Tokıo Olımpıadasynyń kúmis júldegeri Aısulý Tynybekova 2023 jyldyń qorytyndysy boıynsha álemniń eń úzdik balýany atandy, dep habarlaıdy Kazinform.
Birikken kúres álemi (UWW) taratqan málimet kózderine súıensek, Tynybekova bıyl Azııa jáne álem chempıonatynda top jardy. Qyrǵyz sportyna serpilis ákelgen sportshy kúzde Serbııada ótken dúnıejúzilik birinshilikte mansabyndaǵy úshinshi altynyna qol jetkizdi. Aısulý – Ortalyq Azııa elderi arasynda kúres túrlerinen úsh dúrkin álem chempıony atanǵan alǵashqy sportshy.
UWW tek áıelder kúresinen ǵana emes, kúrestiń úsh túri boıynsha 2023 jyldyń úzdik balýandaryn anyqtady. Erler arasynda erkin kúresten álemniń eń úzdik balýany bolyp Bahreın atynan kúresip júrgen Daǵystan eliniń týmasy Ahmed Tajýdınov úzdik atandy. Ol bıyl álem chempıony bolǵan. Al grek-rım kúresinen 2023 jyldyń úzdik balýany ataǵy kýbalyq Lýıs Sancheske buıyrdy.
