Qyrǵyz kásipkerleri Atyraý oblysynyń ekonomıkasyna ınvestıtsııa salýy múmkin

ATYRAÝ. KAZINFORM – Qyrǵyz kásipkerleri Atyraý oblysynyń ekonomıkasyna ınvestıtsııa salýy múmkin. Bul másele Atyraý oblysynyń ákimi Serik Shápkenov pen Qyrǵyz Respýblıkasynyń Qazaqstandaǵy Tótenshe jáne Ókiletti elshisi Dastan Dıýshekeevpen kezdesýinde talqylandy.

Ákimniń málimetinshe, bıyl alty aıda Atyraý oblysy men Qyrǵyzstannyń syrtqy saýda aınalymy 3,2 mln AQSh dollaryn quraǵan. Buǵan eki eldiń mádenı-gýmanıtarlyq, týrızm jáne sport salalaryndaǵy yntymaqtastyǵy oń áserin tıgizgen. Sol sebepten, iskerlik qarym-qatynasty jetildirýge qatysty barlyq usynysty. 

«Táýelsizdik alǵan kezeńnen beri eki el arasynda baýyrlastyq qarym-qatynas pen saýda-ekonomıkalyq baılanys ornady. Qazir Atyraý oblysynda qyrǵyz kapıtaly salynǵan 20 kásiporyn tirkelgen. Olar qyzmet kórsetý, oıyn-saýyq, kóterme saýda jáne basqa salalarda qyzmet kórsetedi. Osyǵan baılanysty biz óz tarapymyzdan ekijaqty saýda-ekonomıkalyq yntymaqtastyqty odan ári keńeıtýge, qyrǵyz ınvestıtsııasyn tartýǵa jáne birlesken kásiporyndar qurýǵa biz óz tarapymyzdan qyzyǵýshylyq tanytyp otyrmyz. Qyrǵyzstan men Atyraý oblysynyń kásipkerleri birlesken jobalardy iske asyrsa, elderimiz arasyndaǵy halyqaralyq yntymaqtastyq pen ózara tıimdi áriptestiktiń nyǵaıýyna tyń serpin berer edi», - deıdi Serik Shápkenov.

Qyrǵyzstannyń elshisi Dastan Dıýshekeevtiń aıtýyna qaraǵanda, baýyrlas elderdiń halyqaralyq túıtkildi máselelerge qatysty ortaq ustanymy bar.

«Eki eldiń arasynda ejelden kórshilik haqyn buzylmaı, yntymaǵy jarasyp keledi. Qazir sol yntamaqty odan ári nyǵaıtýdyń múmkindigi zor. Elderimizdiń arasyndaǵy yntymaqtastyqtyń nátıjesinde saýda-sattyqty jetildire túsýge bolady. Ekonomıkaǵa ınvestıtsııa tartýǵa kedergi bolatyn másele joq. Tipti, tranzıt jáne kólik, týrızm salalaryndaǵy qatynastardy damytýdyń perspektıvasy bar», - dedi Dastan Dıýshekeev.

Eske sala ketelik, buǵan deıin Atyraý oblysyna maýsymdyq jumystarǵa 800 sheteldik kelýi múmkin ekenin jazǵan edik.