Qyrǵyz azamaty Ýkraınada soǵysqa qatysqany úshin 5 jylǵa sottaldy
27 jastaǵy Qyrǵyzstan azamaty Ýkraınadaǵy soǵysqa qatysqany úshin bes jylǵa bas bostandyǵynan aıyryldy. Kazinform bul týraly Deusche Welle basylymyna silteme jasap habarlaıdy.
Qyrǵyzstandaǵy Naryn oblystyq soty 7 jeltoqsan kúni Qyrǵyzstan azamaty Beknazar Borýgýldy «Vagner» JÁK quramynda Ýkraınadaǵy soǵysqa qatysqany úshin bas bostandyǵynan aıyrý jóninde úkim shyǵaryp, sheshim 4 qańtarda ǵana habarlandy.
Naryn oblysynyń 27 jastaǵy turǵyny 2023 jylǵy tamyzda elge oralǵannan keıin úsh aptadan soń ustaldy.
Eldiń ulttyq qaýipsizdik memlekettik komıtetiniń habarlaýynsha, er adamǵa qatysty sot isi «QR azamatynyń shet el aýmaǵynda qarýly qaqtyǵystarǵa nemese soǵys qımyldaryna qatysýy nemese lańkestik áreket jasaý úshin daıyndyqtan ótýi» baby boıynsha júrgizilip jatyr.
Tergeý derekteri boıynsha Qyrǵyz azamaty Reseı túrmesinde jazasyn ótep júrgen ýaqytta qamaýdaǵylardy jappaı jınaý kezinde, 2022 jylǵy 1 qarashada jeke áskerı naýqannyń múshesi atanǵan.
Ol «Vagner» JÁK medaldarymen, onyń ishinde Bahmýtty alǵany úshin jáne RF memlekettik marapaty — «Erjúrektigi úshin» medalimen marapattalǵan.
Bul Ýkraınadaǵy soǵys qımyldaryna qatysqany úshin Qyrǵyzstanda qozǵalyp otyrǵan ekinshi qylmystyq is.
2023 jylǵy mamyrda 31 jastaǵy Asqar Kýbanychbek ýýly 10 jylǵa bas bostandyǵynan aıyrylǵan bolatyn, biraq Joǵarǵy sot isti qaıta qaraý úshin aýdandyq sotqa jiberdi.
