Qyrǵyz áýe kompanııasy Almatyǵa alǵashqy reısin oryndady

ALMATY. KAZINFORM – Búgin Qyrǵyz Respýblıkasynyń Asman Airlines áýe kompanııasy Qazaqstannyń avıatsııalyq naryǵyna qosyldy.

Asman Airlines ushaǵy Almaty halyqaralyq áýejaıyna alǵashqy reısin oryndady. Áýe kompanııasy Tamshy (Ystyqkól) – Almaty – Tamshy (Ystyqkól) baǵyty boıynsha aptasyna eki ret dúısenbi jáne juma kúnderi turaqty tikeleı jolaýshy reısterin oryndaıdy.

Almaty áýejaıynyń málimetinshe, kompanııa Almaty – Osh baǵytyn ashyp, sondaı-aq qysta megapolısten Qarakólge reısterdi oryndaýdy josparlap otyr.

Eske salaıyq, buǵan deıin China Southern Airlines áýe kompanııasy Gýanchjoý – Almaty – Gýanchjoý baǵytyndaǵy jańa halyqaralyq áýe baǵytyn iske qosqanyn jazǵanbyz.

Bıyl Qazaqstan jalpy 32 halyqaralyq áýe reısin iske qosady. Onyń 15-si múlde jańa baǵyttar bolady. Al jańa loýkosterlerdiń tiziminde Spice Jet (Úndistan), Thai AirAsia X (Taıland), Easter Jet (Ońtústik Koreıa), T’Way Air (Ońtústik Koreıa), Air Arabia Abu Dhabi (BAÁ) bar.