Kirekeı qonjyqtarymen birge úı mańyndaǵy basseınge sýǵa tústi
ASTANA. QazAqparat - AQSh-tyń Nıý-Djersı shtatynda Rokveı qalashyǵyndaǵy úılerdiń biriniń artqy aýlasyndaǵy balalar alańynda kirekeı (urǵashy aıý) óz qonjyqtarymen birge «demalys keshin» uıymdastyrdy.
18 tamyzda bes qonjyǵyn ertken kirekeı aýlaǵa keldi, deıdi úı ıesi. Aıý basseınge sekirip, sýdy rahattana sholpyldatyp shomyla bastasa, qonjyqtary janynda tompańdap júgirip júrdi. Bir-birlerimen oınap, balalar átkenshegin túrtpektep, syrǵanaq tebýge de árekettendi.
Qonjyqtar birese basseınge anasynyń janyna barsa, birese odan qashyp ketedi.
Úı ıesi bul oqıǵany qyzyqtap qana qoımaı, aıýdyń otbasymen demalysyn beıne kameraǵa túsirip aldy.
Ábden oınap ári biraz demalǵan aıýlar biraz ýaqyttan keıin qorshaýdan asyp túsip, orman jaqqa qaraı bettedi.
