Kıra Danılova Astanada aýyr atletıkadan Azııa chempıony atandy

ASTANA. KAZINFORM — Kıra Danılova Astanada ótip jatqan aýyr atletıkadan jastar men jasóspirimder arasyndaǵy Azııa chempıonatynda chempıon atandy. 

Qurlyqtyq dodada 69 kelide qyzdar arasynda el quramasy qorjynyna eki medal tústi. Qazaqstandyq Kıra Danılova qossaıystyń qorytyndysymen 198 (87+111) kelini baǵyndyrdy. Al Sofıa Shalgına úzdik úshtikten kórindi, nátıjesi — 175 (82+93) keli. 

Ekinshi orynǵa ózbekstandyq Dınýra Holdorova jaıǵasty. Ol qossaıystyń nátıjesinde 186 (81+105) kelini óziniń enshisine jazdy.

Sondaı-aq budan buryn qazaqstandyq aýyr atlet Álıhan Áskerbaı Astanada ótip jatqan jasóspirimder men jastar arasyndaǵy Azııa chempıonatynda altyn medal jeńip aldy.

Al el qorjynyna eki medaldi Ksenııa Prozorova salǵan bolatyn. Ol U17 sanatynda birinshi orynǵa ıe bolyp, 20 jasqa deıingi atletter arasynda kúmis júldeger atandy.

Al 48 kelige deıingi salmaq dárejesinde (A toby) synǵa túsken Snejana Kashkarova julqa kóterýde 69 kelini baǵyndyryp, qola júldege ıe boldy.

Aıta keteıik, chempıonat 4-10 shilde aralyǵynda Qazaqstan sport kesheninde ótedi.

Qurlyqtyq dodaǵa Ózbekstan, Qytaı, Úndistan, Vetnam, Taıland, Ońtústik Koreıa, Kýveıt jáne Azııanyń ózge de 25 memleketinen 300-den astam sportshy keldi.