Kır Starmerdiń úıindegi órtke baılanysty Ýkraına azamatyna aıyp taǵyldy
ASTANA. KAZINFORM — 21 jastaǵy Ýkraına azamaty Roman Lavrınovıchke Ulybrıtanııa premer-mınıstri Kır Starmermen baılanysy bar eki úı men kólikke órt qoıdy degen aıyp taǵyldy, dep habarlaıdy DW London polıtsııasyna silteme jasap.
- Lavrınovıch 13 mamyrda Londonnyń ońtústik-shyǵysyndaǵy Sıdenham qalasynda qamaýǵa alyndy. Ol «adam ómirine qaýip tóndirý maqsatynda» úsh epızod boıynsha órt qoıdy dep aıyptalýda, - delingen polıtsııa habarlamasynda.
Aıyptalýshynyń ýájderi aıtylmady.
Qaralyp jatqan ister - ótken aptada oryn alǵan úsh órt: Londonnyń soltústigindegi Kentısh-Taýn qalasynda avtokóliktegi órt, Starmerdiń premer-mınıstr bolǵanǵa deıin turǵan kóshedegi jeke úıindegi órt jáne Londonnyń soltústik-batysyndaǵy úıdegi órt. BAQ sońǵysyn da Ulybrıtanııa premer-mınıstrimen baılanystyrady. Oqıǵadan eshkim zardap shekken joq, órt tek kireberis esikterdi zaqymdaǵan.
Kır Starmer ózimen baılanysty úı men kóliktegi órtti Brıtanııa halqy qoldaıtyn demokratııa men qundylyqtarǵa jasalǵan shabýyl dep atady.
2024 jyldyń shildesinen bastap Starmer jáne onyń otbasy Ulybrıtanııa premer-mınıstriniń Daýnıng-strıttegi resmı rezıdentsııasynda turady.
Eske sala keteıik, Ulybrıtanııa premer-mınıstriniń úıinde órt shyqqany jaıly jazǵan edik.