Kıprmen áýe qatynasy ashylady
ASTANA. KAZINFORM – Reıster árbir baǵyt boıynsha aptasyna 2 ret jıilikpen oryndalady.
Kólik mınıstrligi halyqaralyq áýe baǵyttarynyń geografııasyn keńeıtý jáne qoldanystaǵy baǵyttar boıynsha reıster jıiligin arttyrý boıynsha turaqty negizde jumys júrgizip jatyr.
Osylaısha, «Air Astana» áýe kompanııasy aǵymdaǵy jylǵy 2 maýsymnan bastap Astana – Larnaka baǵyty boıynsha jańa áýe qatynasyn ashady. Sondaı-aq, aǵymdaǵy jylǵy 4 maýsymnan bastap áýe kompanııa Almaty – Larnaka baǵyty boıynsha reısterdi iske qosady. Reıster árbir baǵyt boıynsha aptasyna 2 ret jıilikpen «Airbus A321LR» úlgisindegi áýe kemelerimen oryndalady.
Áýe qatynasyn iske qosý elder arasyndaǵy iskerlik, saýda-ekonomıkalyq jáne týrıstik yntymaqtastyqty odan ári nyǵaıtýǵa yqpal etetin bolady.
Aıta ketelik kelesi jyldan bastap Gonkong pen Almatynyń arasynda tikeleı áýe reısi qatynaıdy.
