Kıprlik fýtbol komandasynyń aıaq kıimderi urlandy
ASTANA. QazAqparat - Urylar Kıprdiń Famagýst qalasynyń «Nea Salamına» fýtbol klýbynyń sport kıimderin urlap ketken. Komanda kelesi kezdesýi aldynda qıynshylyqqa tap boldy, dep habarlaıdy Bı-Bı-Sı agenttigi.
Klýb basshylyǵynyń aıtýynsha, Larnaktaǵy kıim aýystyratyn bólmeden 70 jup býtsy men tórt qaqpashy qolǵaby urlanǵan.
Ár aıaq kıimniń juby 200 eýro, qolǵap - shamamen 100 eýro turady. Klýbqa kelgen jalpy shyǵyn kólemi 14 myń eýro.
Polıtsııa urylar bólmeniń terezesinen kirdi dep otyr.
«Nea Salamına» kelesi kezdesýin aldaǵy jeksenbide Lımasol qalasynyń «Arıs» klýbymen ótkizedi. Komanda basshylyǵy alańǵa sportshylar ne kıip shyǵatynyn aıta almaı otyr.
