Kıprden jetkizilgen Eldos Qospaevqa qatysty tergeý aıaqtaldy
ASTANA. KAZINFORM – Uıymdasqan qylmystyq top múshesi Eldos Qospaev pen onyń sybaılastaryna qatysty tergeý amaldary aıaqtaldy. Bul týraly QR Qarjylyq monıtorıng agenttigi tóraǵasynyń orynbasary Jeńis Elemesov aıtty.
«Oǵan qatysty tergeý aıaqtaldy. Qazirgi kezde is materıaldarymen tanysý júrip jatyr. Tanysý aıaqtalǵan soń is sotqa joldanady», - dedi J. Elemesov Parlament Májilisinde tilshiler suraǵyna jaýap bere otyryp.
Eske salsaq, Ulttyq qaýipsizdik komıteti 2023 jylǵy 6 qyrkúıektegi operatsııasynyń qorytyndysy boıynsha Soltústik Kıprden Qazaqstanǵa Eldos Qospaev jáne ol bastaǵan qylmystyq toptyń 7 múshesin jetkizgen bolatyn.
Qylmystyq top kúsh qoldanyp, qoqan-loqqy jasap, kásipkerlerdiń múlkin basyp alý, sondaı-aq Almaty qalasy men Almaty oblysy aýmaǵynda kóleńkeli kásipkerlikti júzege asyrdy degen kúdikke ilingen.
