Kıprde ótetin qarymta kezdesý «Astana» úshin qıyn bolady - komandanyń bas bapkeri
ASTANA. QazAqparat - ÝEFA Chempıondar lıgasynyń pleı-off kezeńindegi alǵashqy kezdesýde óz alańynda kıprlik APOEL komandasyn 1:0 esebimen jeńgen "Astana" fýtbol klýbynyń bas bapkeri Stanımır Stoılov matchtan keıin BAQ ókilderine brıfıng ótkizdi.
"Eń aldymen aıta keteıin, búgin óte qıyn, taktıkalyq oıyn boldy. Biz qarsylasymyzdyń qaqpasyna bir gol salyp, 1:0 esebimen óz alańymyzdaǵy oıyndy jeńdik. 1-taımda gol salatyn birneshe múmkindik boldy. 1-shi taımda APOEL komandasy bizdiń qaqpaǵa jýyqtaǵan da joq desek bolady, al, 2-shi taımda qarsylas komanda oıynyn jaqsartty. Biraq, biz óz qaqpamyzdy jaqsy qorǵadyq", - deıdi S.Stoılov.
"Astana" bas bapkeri, taǵy bir-eki gol salatyn sátti tıimdi paıdalanǵanda, jaýapty matchta oınaý ońaıyraq bolatynyn eske saldy.
"Astana" komandasy da, APOEL komandasy da ekinshi taımda gol salatyn birneshe múkindikti jiberip aldy. Eger, sol oraıdy utymdy paıdalanǵanda, qarymta oıynda ońaıyraq bolatyn edi. Endi jaýapty match qıyn bolady", -bas bapker.
