Kıprde 100-den astam fermadan aýsyl aýrýy anyqtaldy

ASTANA. KAZINFORM - Kıprde aýsyl tirkelgen sharýashylyqtar sany 101-ge jetti. Bul týraly veterınarlyq qyzmetter málimdedi, dep habarlaıdy Xinhua.

Jańa oshaqtar araldyń ońtústigindegi Larnaka mańyndaǵy Dromolaksııa-Meneý mýnıtsıpalıtetinde ornalasqan qoı-eshki fermasynda, sondaı-aq Nıkosııa aımaǵyndaǵy iri qara jáne shoshqa sharýashylyqtarynda anyqtalǵan.

Aýrý 13 iri qara sharýashylyǵynan, 86 qoı jáne eshki fermasynan jáne eki shoshqa ósiretin kásiporynan anyqtalǵan. Araldyń ońtústik-shyǵysynda jáne Nıkosııa óńirinde maldy jappaı joıý jáne vaktsınatsııalaý sharalary júrip jatyr.

Alǵashqy jaǵdaı 20 aqpanda Larnaka óńirindegi sút fermasynda tirkelgen. Sodan beri ınfektsııa eldiń birneshe aımaǵyna taraǵan. Apta basynda Nıkosııanyń batysyndaǵy fermada shoshqalar arasynda alǵash ret aýsyl tabylǵan soń karantın engizilip, janýarlardyń qozǵalysy shekteldi.

-Eýroodaq talaptaryna sáıkes, aýrý juqtyrǵan sharýashylyqtardaǵy barlyq mal joıylady. Qazirgi ýaqytqa deıin Kıprde 30 myńnan astam janýar joıylǵan,-delingen habarlamada.

Aıta keteıik, osyǵan deıin Batys Qazaqstan oblysynda aýrý kıikterdiń dalada júrgendigi týraly áleýmettik jelide beınejazba taraǵan bolatyn.