Kıpr jaǵalaýynda aýdarylǵan kemeden qaza tapqandar sany segizge jetti
ASTANA. KAZINFORM - Kıpr jaǵalaýynda aýdarylǵan kemede qaza tapqandar sany segiz adamǵa jetti, taǵy 17 adam izdestirilip jatyr.
Bul týraly TASS agenttigi Soltústik Kıpr bıligine silteme jasap habarlady.
Buǵan deıin Kıpr jaǵalaýynda 267 jolaýshysy bar keme aýdarylǵany belgili bolǵan.
Kırenııadan Túrkııanyń Mersın provıntsııasyndaǵy Tashýdjý portyna bet alǵan katamaran úlgisindegi keme jaǵalaýdan shamamen tórt mıl qashyqtyqta sý ala bastaǵan. Keıinnen keme aýdarylyp ketken.
Qutqarý jumystaryna jaǵalaý kúzetiniń katerleri, tikushaq, sondaı-aq azamattyq kemeler men qaıyqtar jumyldyryldy.
Aldyn ala málimetke qaraǵanda, Kıpr jaǵalaýynda apatqa ushyraǵan kemeniń bortynda Qazaqstan azamattary bolmaǵan. Bul týraly Syrtqy ister mınıstrligi Kazinform agenttiginiń saýalyna bergen jaýabynda málimdedi.
