Kıpr prezıdentiniń úıi janynan jarylǵysh zat tabyldy
ASTANA. 30 jeltoqsan. QazAqparat - Kıpr prezıdenti Dımıtrıs Hrıstofıastyń Lımassol qalasy syrtyndaǵy Kıllakı eldi-mekeninde ornalasqan úıi janynan jarylǵysh zat pen detonator tabyldy. Respýblıka basshysy búgin rezıdentsııasyna barýdy josparlaǵan edi, alaıda ol sapardan qaýipsizdik maqsatynda bas tartty dep habarlady «RIA Novostı».
Bıylǵy jyldyń mamyr aıynda Hrıstofıas ekinshi merzimge saılaýǵa túspeıtinin jóninde jarııalaǵan bolatyn. Onyń ókilettigi 2013 jyldyń aqpanynda aıaqtalady. Eger saıasatker óz sózinde tursa, Kıpr tarıhyndaǵy ekinshi ret saılaýǵa túspegen alǵash prezıdent bolyp qalmaq.
