Kıpr prezıdenti: Daǵdarys sebepterine qylmystyq tekserý júrgiziledi
ASTANA. 26 naýryz. QazAqparat - Taıaýdaǵy ýaqytta Kıpr úkimeti eldiń bank júıesin bankrotqa ushyratýǵa ákep soqqan sebepterdi qylmystyq tekserý sharalaryn bastamaq.
Bul týraly respýblıka prezıdenti Nıkos Anastasıadıs dúısenbi kúni keshte ultqa teleúndeýinde málim etti.
Odan birneshe saǵat buryn prezıdent Brıýsselden oraldy.
Onda jeksenbiden dúısenbige qaraǵan túnde ol Eýroodaqpen jáne Halyqaralyq valıýta qorymen Kıpr úshin daǵdarysqa qarsy sharalardyń parametrleri týraly ýaǵdalasyp, halyqaralyq nesıegerlerdiń araldyq memleketke 10 mıllıard eýro kóleminde kómek berýi jaıly kelisimge qol jetkizdi, bul eldi defoltqa tiremeýge múmkindik bermek.
Anastasıadıs Brıýsseldegi kelissózder kúrdeli bolǵanyn, tipti keıde múldem aýyr bolǵanyn moıyndady. «Bizdiń birqatar áriptesterimizdiń ustanymdarynan zor ýaıym shekkenimizge qaramastan, elimizdiń eýropalyq januıadan shyǵýy daǵdarysqa durys jaýap bolmas edi, dep sanaımyn», dedi ol.
Memleket basshysy Kıprdiń ortalyq banki qazrdiń ózinde parlament qabyldaǵan zańdarǵa sáıkes seısenbiden bastap birqatar qarjy operatsııalaryna qatysty shekteý sharalaryn engizedi, dep habarlady. Degenmen bul ýaqytsha shekteýler bara-bara báseńdeıdi», dep sendirdi ol. «Úkimet eldiń múmkindiginshe tezirek qalypty ómirge oralýy úshin qoldan kelgenniń bárin isteıdi», - dedi prezıdent. .
