Kıpr men Qazaqstan ınvestıtsııalyq yntymaqtastyqty jandandyrýǵa nıetti
Іs-sharaǵa eki eldiń qarjy jáne isker toptarynyń, bank qurylymdarynyń, aýdıtorlyq jáne zań kompanııalarynyń ókilderi qatysty.
«Invest Cyprus» tóraǵasy Mıhalıs Mıhael kıprlyq-qazaqstandyq ózara is-qımyl áleýetin joǵary baǵalap, óziniń 2019 jyly Kıprdyń Syrtqy ister mınıstri bastaǵan bıznes-mıssııa quramynda Nur-Sultanǵa jasaǵan saparynyń tabysty nátıjeleri týraly aıtyp berdi.
Forýmnyń negizgi spıkerleri retinde «Kazakh Invest» ulttyq kompanııasy» AQ Basqarma tóraǵasy Baýyrjan Sartbaev pen Qazaqstannyń Kıpr Respýblıkasyndaǵy Elshisi (qyzmetin qosa atqarýshy) Satybaldy Burshaqov sóz sóıledi.
B.Sartbaev qatysýshylardy ınvestıtsııalardy qorǵaý salasynda Qazaqstan Úkimeti qabyldap jatqan sharalar men sheteldik ınvestorlar úshin salyqtyq jeńildikter týraly habardar etti.
Elshi is-shara qatysýshylaryn ekijaqty saýda-ekonomıkalyq baılanystardyń negizgi baǵyttarymen tanystyryp, Kıpr Qazaqstannyń Ońtústik Eýropadaǵy mańyzdy seriktesteriniń biri ekenin basa aıtty. Ol bıznes qaýymdastyǵyn ınvestıtsııalyq yntymaqtastyqtyń áleýetin tıimdi paıdalanýǵa, sonymen qatar, «Astana» halyqaralyq qarjy ortalyǵy men arnaıy ekonomıkalyq aımaqtardyń, ásirese 2021 jylǵy 1 qańtarda eki el arasyndaǵy Qosarlanǵan salyq salýdy boldyrmaý týraly konventsııanyń kúshine enýine baılanysty sheteldik ınvestorlarǵa usynylyp otyrǵan jaǵdaıdy eskere otyryp, perspektıvalyq jobalardy birlese iske asyrýǵa shaqyrdy.
Dıplomat 2020 jyldyń birinshi jartyjyldyǵynyń qorytyndysy boıynsha Kıpr Qazaqstan ekonomıkasyna quıylǵan tikeleı sheteldik ınvestıtsııa kólemi boıynsha alǵashqy 10 eldiń qatarynla ekenin habarlady (165 mln AQSh doll. astam). Bul turǵyda taıaýda iskerlik múmkindikterdiń neǵurlym keńeıtilgen kún tártibin zerdeleýge yqpal etetin Kıpr - Qazaqstan bıznes-qaýymdastyǵynyń qurylýyn quptady.
Elshi ınvestıtsııalyq saıasatty iske asyrýdyń sharalary men basymdyqtary naqty belgilengen Qazaqstan Prezıdenti Qasym-Jomart Toqaevtyń 1 qyrkúıektegi joldaýynyń negizgi tezısterine jeke toqtalyp ótti.
Budan bólek, S.Burshaqov 2021 jylǵy 10 qańtarda Parlament Májilisiniń josparlanǵan saılaýy ótetini jaıly habarlady. Osyǵan baılanysty Prezıdent Q.Toqaevtyń bastamasymen qolǵa alynǵan saıası reformalardy, onyń ishinde kóp partııaly júıeni nyǵaıtýdyń mańyzdylyǵyn atap ótti.
