Kıpr Gran-prıi: Bıbisara Asaýbaeva qatarynan ekinshi ret jeńiske jetti
ASTANA. QazAqparat - Qazaqstandyq shahmatshy Bıbisara Asaýbaeva Kıpr Gran-prıiniń tórtinshi kezeńiniń ekinshi kúninde taǵy bir qarsylasyn jeńip, jankúıerlerin qýantty, dep habarlaıdy QazAqparat Sports.kz portalyna silteme jasap.
Jarystyń segizinshi týrynda blıtsten eki dúrkin álem chempıony Bıbisara Asaýbaeva grýzın shahmatshysy Bella Hotenashvılıdi utty. Bul jeńisten keıin qazaqstandyq oıynshy 4 upaı jınap, týrnır kestesindegi ornyn sál jaqsartty.
Toǵyzynshy aınalym bastalar aldynda Bıbisara Grýzııa ókili Nana Dzagnıdzemen 7-shi jáne 8-shi oryndardy bólisip tur. Nıkosııa qalasynda ótip jatqan áıelder Gran-prıiniń fınaldyq kezeńine barlyǵy 12 shahmatshy qatysýda, olar bir-birimen aınalmaly júıe boıynsha oınaıdy.
25 mamyrda osy jarystardyń kelesi kezeńi ótip, onda B.Asaýbaeva polıak sportshysy Olıvııa Kıolbasamen kezdesedi.
