Kıpr aralynda koronavırýstyń gıbrıdti nusqasy – «deltakron» anyqtaldy
QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń habarlaýynsha, koronavırýs juqtyrǵan 25 adamnyń úlgilerinen jańa shtamm tabyldy. Degenmen, ǵalymdardyń pikirinshe, bul nusqa aıtarlyqtaı qaýip tóndirmeıdi.
«Kıpr ýnıversıtetiniń professory Leontıos Kostrıkıs aıtqandaı, «deltakronnyń» «deltamen» genetıkalyq negizi bir jáne sonymen birge «omıkronǵa» tán mýtatsııalar bar. Omıkronnyń basqa shtamdardan ereksheligi onyń genomynda 30 túrli mýtatsııa bar. Olardyń ondyǵy atalǵan úlgilerde anyqtaldy», - dep túsindirdi ǵalym.
Ońtústik Afrıkadan kelgen ımmýnologtar omıkrondy COVID-19 pandemııasynyń jedel kezeńiniń aıaqtalýymen jáne onyń endemııalyq jaǵdaıǵa kóshýimen, ıaǵnı belgili bir aýmaqqa tán bolatynymen baılanystyrdy.
Zertteýshiler omıkrondy jáne buryn anyqtalǵan shtamdary bar 466 patsıenttiń derekterin zerttep, COVID-19 jaǵdaılarynyń tek 4,5%-y osy tolqyn kezinde aýrýhanada qaıtys bolǵanyn anyqtady, bul burynǵy ortasha eseppen 21%-y. Sondaı-aq, statsıonarda bolýdyń ortasha uzaqtyǵy burynǵy 8,8 kúnnen tórt kúnge, al jansaqtaý bólimderine jatqyzylǵandar sany – 4,3-ten 1 %-ǵa deıin qysqardy.