Kıoskiler, keńseler, qoımalar: jaldaý baǵasy qalaı ózgerdi

ASTANA. KAZINFORM — 2025 jyldyń IV toqsanynda kommertsııalyq jyljymaıtyn múlikti jalǵa alý baǵasy 2024 jyldyń sáıkes kezeńimen salystyrǵanda 4,2% ósken, dep habarlaıdy Ulttyq statıstıka bıýrosynyń baspasóz qyzmeti.

Óńirlik bóliniste kommertsııalyq múliktiń jaldaý baǵasy Ulytaý oblysynda 0,2% arzandasa, eń joǵary ósim Astana qalasynda tirkeldi – 6,8%.

Baǵanyń eń joǵary ósimi kıoskilerdi jalǵa alýda baıqaldy – ósim 23,1%.

Sondaı-aq fıtnes-klýbtar men jattyǵý zaldaryn jalǵa alý baǵasy 8,6%, meıramhanalar boıynsha 6,1% ósti.

Dárihanalardy jalǵa alý quny 5,7%, turmystyq qyzmet kórsetý pýnktteri men servıstik úı-jaılar 5,1% qymbattady.

Saýda jaılary men ákimshilik-keńse maqsatyndaǵy nysandarda jaldaý baǵasy birdeı ósim kórsetti – árqaısysy 4,8%-dan.

Qoıma jaılaryn jalǵa alý aqysy 4%, al shashtarazdar men sulýlyq salondaryn jaldaý 3,3% artty.

Buǵan deıin habarlanǵandaı, bir jylda baspanany jalǵa alý quny qalaı ózgergeni belgili boldy.