Kıokýshınkaı karateden Eýropa chempıonatynda eki astanalyq sportshy júldeli oryn aldy
ASTANA. 29 qazan. QazAqparat - Katovıtse (Polsha) qalasynda jasóspirimder arasynda kıokýshınkaı karateden Eýropa chempıonatynda astanalyqtar júldeli oryndarǵa qol jetkizdi. Bul týraly astana.kz saıtyna qalalyq Týrızm, dene shynyqtyrý jáne sport basqarmasynan habarlady.
Jarysqa túrli memleketterden 300 astam sportshy qatysty. Onda Kıokýshınkaı karate respýblıkalyq ulttyq federatsııasynyń Vıtse-prezıdenti Saıranbek Ábilqaıyrov jetekshilik etken Kıokýshınkaı karate respýblıkalyq ulttyq federatsııasynyń 3 sportshysy Álisher Qarmenov, Nurlyhan Sádýaqasov, Nıkıta Garas el namysyn qorǵady. Atap aıtqanda, 60 kg deıingi salmaq dárejesinde 16-17 jas sanatynda Álisher Karmenov ІІ oryn aldy, al 65 kg deıingi salmaq dárejesinde 16-17 jas sanatynda Nurlyhan Sádýaqasov III orynǵa turaqtady.
Eske sala keteıik, jasóspirimder arasyndaǵy kıokýshınkaı karateden 7-shi Eýropa chempıonaty (IKO-1) (7th European Junior Championships Kyokushin Karate) «kýmıte» jáne «kata» bólimderi Polshanyń Katovıtse qalasynda ótti.
