Kınojobalardy irikteý konkýrsy bastaldy

ASTANA. KAZINFORM – «Ulttyq kınony qoldaý memlekettik ortalyǵy» 2025 jylǵy ulttyq fılmder dep tanylýǵa úmitti kınojobalardy irikteý konkýrsyn jarııalady.⠀Kınojobalardy irikteý eki kezeńde júzege asady. Bul týraly Mádenıet jáne aqparat mınıstrligi habarlady.

Birinshi kezeń — fılmderdiń stsenarııin nemese stsenarıı josparlaryn qaraý. Ekinshi kezeńde taqyryptyq josparǵa saı keletin, Saraptama keńesi iriktegen jobalardyń qujattaryn jınaqtaý júzege asyrylady.

— Konkýrstyq irikteýdiń birinshi kezeńine qatysý úshin úmitkerler Ortalyqqa stsenarıılerdi qaraýǵa ótinimdi, PDF formatynda stsenarıılerdi, avtorlyq shart pen jeke basyn kýálandyratyn qujattardyń kóshirmesi, ótinish berýshi men stsenarıı nemese stsenarıı josparynyń avtory arasyndaǵy aldyn ala shartty jiberýi qajet. Ótinish berýshi fılmniń ártúri, oıyn fılmi, anımatsııalyq fılm, derekti-hronıkaly fılmder boıynsha tek 2 stsenarıı usyna alady, — delingen mınıstrlik habarlamasynda.

Qujattar 5 naýryz ben 13 naýryzǵa deıin (12 naýryz saǵat 23:59) deıin qabyldanady.

Bizdiń maqsatymyz — ashyq ári ádil konkýrs ótkizý. Aldaǵy ýaqytta irikteýge qatysty aqparattar mınıstrliktiń jáne ortalyqtyń resmı saıtynda jáne áleýmettik jeli akkaýnttarynda turaqty jarııalanatyn bolady. Konkýrstyq irikteýge qatysty saýaldaryńyz bolsa, Kıno ortalyǵy janynan keńes berý qyzmeti ashylǵanyn habarlaımyz! Buǵan deıin osy jylǵy kınojobalar konýrsyna arnalǵan basym taqyryptar tizimi jarııalanǵan bolatyn. Kınogerler tushymdy dúnıe daıyndap, kórermenge sapaly dúnıe usynýǵa kúsh salady dep senemiz, — dep atap ótti Mádenıet jáne aqparat mınıstri Aıda Balaeva.

Aıta keteıik, konkýrstyq irikteýge qatysý quqyǵyna ıe bolý úshin úmitkerlerdiń salyq beresheginiń bolmaýy, bankrottyq rásimge tartylmaýy mańyzdy.

Eske salsaq bıyl 10 jańa fılm prokatqa shyǵady.