Kınoteatrlarǵa avtomattandyrylǵan «biryńǵaı kınobılet» júıesi qashan engiziledi
«Bıyl biz fılmderge monıtorıng júrgizetin biryńǵaı avtomattandyrylǵan júıeni, ıaǵnı «biryńǵaı kınobılet» engizemiz. Bul júıe kóptegen elderde jumys isteıdi. Árıne, qazir kóptegen kınoteatrlar narazylyqtaryn bildiredi, biraq soǵan qaramastan iske qosamyz. Buǵan men ýáde beremin, óıtpesek qurdymǵa ketemiz», – dedi Gúlnár Sársenova.
Onyń aıtýynsha, eger mundaı júıe Qazaqstanda engizilmese, onda kınoteatrlar quldyraýǵa ushyrap, on jylǵa artta qalatyn bolady.
«Júıe qajet. Kınematografııanyń ashyqtyǵy, ınvestorlar úshin kerek. Qazir Qazaqstandaǵy fılmderdiń tek 20% ǵana memleket aqshasymen qalǵan 80% jeke ınvestıtsııa tartý arqyly túsiriledi. Kınoǵa qarjy salǵysy keletin kóptegen kásipkerler kıno naryǵynyń ashyqtyǵyna nazar aýdarady. Eshkim olardy aldamaıtynyna kóz jetkizýleri tıis. Bir jaǵynan bizde fılmderden túsetin tabys ósip jatyr. Qazir elimizde osy kıno salasynan túsken qarajat 20 mlrd teńgege jetti jáne ol ári qaraı óse beredi», - dep qortyndylady Gúlnár Sársenova.