Kınoteatrlardyń jumysyn jandandyrý máselesin qarastyrýdamyz – Alekseı Tsoı

NUR-SULTAN. QazAqparat – Densaýlyq saqtaý mınıstri Alekseı Tsoı kınoteatrlardyń jumysyn jandandyrýǵa qatysty suraqqa jaýap berdi, dep habarlaıdy QazAqparat tilshisi.

«Jalpy kınoteatrlardyń jumysyn jandandyra alatyndaı máselelerdi pysyqtap jatyrmyz. Jaǵdaıdy baǵalap, tıisti oryndarmen usynystardy talqyladyq. Teatrlar sekildi olardyń da (kınoteatrlardyń) jumysyna ruqsat berý boıynsha naqty usynystar bar. Qazir bul másele sheshilýde», - dedi Alekseı Tsoı OKQ-da ótken baspasóz máslıhatynda tilshilerdiń suraǵyna jaýap bere otyryp.

Sondaı-aq mınıstr, bul rette máselen ushaqqa nelikten ruqsat berilgenin, nelikten kınoteatrlardyń jumysyna áli de shekteý baryn túsindirdi.

«Kólik – kúndelikti ómirimizdiń ajyramas bóligi ispettes. Bir aımaqtan ekinshisine barar kezde adamdar ártúrli maqsatty kózdep, emdelý úshin de ary-beri júrýi múmkin. Sondyqtan biz bul rette kóliktiń mańyzy joǵary degen (kınoteatrdan) qaǵıdatqa súıenemiz. Eń birinshi kólikterge ruqsat bersek, sodan keıin ǵana oıyn-saýyq salasyna mán beriledi», - dedi ol.