Kınoteatrlarda janrlar toǵysy: aptanyń jańa fılmderi
ASTANA. KAZINFORM — 15 qańtardan bastap Qazaqstan kınoteatrlarynda birqatar jańa fılmniń premerasy ótti. Jańa týyndylardyń ishinde otbasylyq dramadan bastap, trıller jáne horror janrlaryna deıin fılmder bar. Osy aptadaǵy kınopremeralardy Kazinform tilshisiniń sholýynan bilińiz.
KELEShEKKE SAPAR (Prıbytıe býdýşego) 7.0 ⭐
Ulybrıtanııa men Frantsııada túsirilgen romantıkalyq drama 110 mınýt ýaqytyńyzdy alady.
Ónerdiń basty máni — sezimdi jetkizý ekeni bárimizge belgili. Al ótken shaqtaǵy áserler, áreketter men sezimder bolashaqtaǵy oqıǵalardy aldyn ala anyqtaı ala ma? Óner týyndysyna beınelengen sezimder arqyly biz aldaǵy qatelikterden qalaı saqtana alamyz? Fılm kórermendi oıǵa batyryp, ótken men bolashaqty, sezim men is-áreketti baılanystyra qaraýǵa shaqyrady. Bul týyndy arqyly árkim óz ómirindegi sheshimderin qaıta oılap, bolashaqqa jańa kózqaraspen qaraýǵa múmkindik alady.
ÁKE, ANA, ÁPKE, AǴA (Otets mat sestra brat) 6.3 ⭐
Keıt Blanshet pen Adam Draıver Djım Djarmýshtyń jańa shedevrinde óner kórsetip, Venetsııa kınofestıvaliniń kórermenderin tańǵaldyrdy. Bul fılmniń de uzaqtyǵy — 110 mınýt.
Drama men komedııany ushtastyrǵan fılmde ata-anasyn jáne bir-birin túsinýge tyrysqan eresek balalar jaıly úsh názik ári júrek tebirenterlik oqıǵa baıandalady. Birinshi sıýjette uly men qyzy Amerıkanyń aýylynda jalǵyz turatyn ákesine baryp, júrek túkpirindegi oılaryn bólisýge múmkindik izdeıdi.
Ekinshi áńgimede eki ápke Dýblınge baryp, jazýshy analarymen kezdesedi. Ananyń ishki álemindegi qashyqtyq ápkelermen arasyndaǵy baılanysty álsiretip, olardyń arasyna tosqaýyl bolyp tur.
Al úshinshi sıýjette eresek egizder Parıjdegi balalyq sátterin ótkizgen páterge oralyp, ótken ómirmen qoshtasýǵa tyrysady.
Fılm kórermenge otbasy, qarym-qatynas jáne ótken men qazirdiń arasyndaǵy názik baılanys týraly oı salatyn shynaıy jáne áserli týyndy retinde usynyldy.
SOŃǴY DEM 8.1 ⭐
Qyrǵyzstandyq rejısser Avtandıl Batyrbekov túsirgen dramalyq fılm 107 mınýtqa sozylady.
Qyrǵyzstannyń qatal taýlarynda qarapaıym qoıshy Baqyt jaralanǵan qulyn Monchokty qutqaryp qalady. Bul tulpar — ańyzǵa aınalǵan shapqyn attardyń tuqymy edi. Al ony adamdar soııýǵa jibermekshi bolyp turǵan. Baqyttyń qyzy Qarlyǵash úshin bul jylqy úmit pen armandardyń sımvolyna aınalady.
Baqyt Monchokty ósirip, oǵan jańa ómir syılaýǵa bel býady. Jarystardaǵy jeńister dańqqa jetkizgenimen, sol jeńister basqalardyń ashkózdigin oıatady. Sodan keıin yqpaldy ári qatal Nazym jylqyny kúshpen tartyp alady. Baqyt ózi úshin asa aýyr tańdaýdyń aldynda turdy: Monchoktyń bostandyǵy úshin kúres pe, álde ómirine qaýip tóngen qyzyn qutqarý ma?
Fılm kórermendi adaldyq, batyldyq pen janashyrlyq taqyryptary arqyly erekshe áserge bóleıdi.
QUShAQTAShY MAMA 8.7 ⭐
Otandyq jańa týyndy sizdi eleń etkizbeı qoımasy anyq. Nurǵısa Álmurattyń 120 mınýttyq fılmi drama janrynda túsirilgen.
Bul — Jalǵas pen onyń otbasynyń, ásirese anasymen qarym-qatynasy jaıly drama. Jalǵasta bári bar — tabys, otbasy, jaıly ómir, biraq ol jan tynyshtyǵyn taba almaıdy. Ótkenniń kóleńkeleri men jasyryn syrlar ony bir sátke de tastamaıdy. Ol balalyq shaqtaǵy oryndalmaǵan armandary men otbasylyq qıynshylyqtar úshin anasy Maırashty kinálaıdy.
Bir kúni, anasy men kelini arasyndaǵy daý-damaıdan keıin úıde úlken aıqaı shyǵady. Jalǵas anasynyń týǵan kúninen buryn ony aýylǵa aparyp, jol boıynda sóılesip, ózara eseptesýdi sheshedi. Biraq ekeýi de joldaǵy ár aıaldama, kezdeısoq kezdesken adam, ár kılometr Jalǵastyń eń aýyr syrlaryn ashyp, ómirin túbirimen ózgertetinin bilmeıdi. Sol syrlar ony ótkeni men búginine jańa qyrynan qaraýǵa májbúrleıdi.
SENBІDEGІ SERGELDEŃ (Ýboınaıa sýbbota) 7.4 ⭐
Shytyrman oqıǵaǵa toly komedııanyń rejısseri — Lıýk Grınfıld. AQSh-ta túsirilgen týyndyǵa 93 mınýtyńyzdy jumsaısyz.
Braıan jumysynan aıyrylyp, «taza aýanyń dırektory» róline endi.
Bir kúni ol basqa bir «úı ákesi» uıymdastyrǵan balalar kezdesýine barady, biraq ol jerde kútpegen jaǵdaılar men kúlkili oqıǵalar birinen soń biri paıda bolady. Kezdeısoq ákeler, bala-shaǵa shytyrmandary, shaǵyn apattar… bári bir sátte senbini naǵyz sergeldeńge aınaldyrady.
GIPNOZ 8.7 ⭐
Joǵarǵy reıtıng jınap jatqan otandyq fılmdi rejısser Oljas Baıalbaev túsirgen. 105 mınýtqa sozylatyn qylmystyq drama shynaıy oqıǵa jelisinde órbıdi.
Fılm alǵashqy mınýttardan-aq kórermendi ózine tartady. Kartınada gıpnoz arqyly jasalatyn qylmystar men jastardyń jeńil aqshaǵa qyzyǵýy qandaı aýyr saldarǵa ákeletini shynaıy ári áserli túrde beınelengen.
QARǴYS. QANT FABRIKASY (Proklıatıe. Saharnaıa fabrıka) 6.4 ⭐
Al sizge horror janry unasa, ındonezııalyq rejısser Avı Sýrıadı túsirgen fılmge kelińiz. Týyndynyń uzaqtyǵy — 133 mınýt.
Jeti dos eski qant zaýytyna maýsymdyq jumysqa kelisedi. Munda basty ereje — qarańǵy túsip ketkennen keıin dalaǵa shyqpaý. Bul erejeni buzǵan sátten bastap, keıipkerler túrki qaýip-qaterge tap bolady. Olar qorqynysh pen ólimniń ıllıýzııalary shyndyqqa aınalǵan tuzaqqa tústi. Endi tiri qalý úshin olarǵa qashý kerek… biraq kimnen?
OTBASYLYQ ІS (Delo semeınoe) 7.3 ⭐
Detektıv, drama, komedııa, krımınal men trıller jantrlaryn bir týyndyǵa toptastyrǵan Aleks Ýınter sizge san túrli áser syılaǵysy keledi. 97 mınýt ýaqytyńyz bolsa, kınoteatrǵa asyǵyńyz!
Ata-anasynyń úıin satpas buryn, ápkesi men baýyry Megan men Noı ony retke keltirmek bolady. Alaıda jertóleden kóp jyl buryn joǵalǵan kórshiniń máıiti tabylady.Olar bul oqıǵa ózderin aýyldaǵy qylmystyq jańalyqtardaǵy basty keıipkerlerge aınaldyra alatynyn túsinedi. Sondaı-aq, bul murany ıelenýge de kedergi keltirýi múmkin. Balalaryna tek bir ǵana jol qalady — máseleni «otbasylyq» ádispen sheship, ata-anasynyń qylmysyn jasyrý. Alaıda kýálar paıda bolyp, olardy bopsalaı bastaǵanda, jańa seriktester de qaýipti ári taıǵaq jolǵa túsýge májbúr bolady.
28 JYLDAN SOŃ — II BÓLІM: SÚIEKTER ǴIBADATHANASY (28 let spýstıa — chast II: Hram kosteı) 7.5 ⭐
AQSh pen Ulybrıtanııada túsirilgen týyndynyń rejısseri — Nıa DaKosta. Al uzaqtyǵy — 109 mınýt.
Oqıǵanyń jalǵasynda doktor Kelson kútpegen jaǵdaılarǵa tap bolady. Bul jaqyndyqtyń saldary úırenshikti dúnıeniń astan-kesteńin shyǵarýy ábden múmkin. Al Spaık úshin Djımmı Krıstalmen jolyǵý — ushy qıyry joq tozaqqa túskendeı áser qaldyrady.
Súıekter ǵıbadathanasynda endi eń úlken qaýip — indet juqtyrǵandar emes. Naǵyz úreı tiri qalǵan adamdardyń óz boıynan shyǵady: adamdyq qasıet joǵalǵan jerde qatygezdik te, aqylǵa syımas sumdyq ta sheksiz.
JUMAQTAN BILET 8.1 ⭐
Jan tebirenterlik taǵy bir otandyq fılmniń rejısseri — Asqar Bısembın. Komedııalyq drama 104 mınýtqa sozylady.
Qyryq jasqa kelgen Maqsat Dúısenbaev ómiriniń eń aýyr kezeńin bastan keship júr. Janyna jaqpaıtyn jumys, aıaq astynan keıinge shegerilgen qyzmettik ósý, onsyń ústine úshinshi balanyń dúnıege kelgeli jatqany týraly habar — bári qosylyp, onyń ómirin astań-kesteń etedi. Maqsat myna jalǵannan toryǵyp, ómiri múlde basqa arnamen ketip bara jatqandaı sezinedi.
Dál osy tyǵyryqqa tirelgen sátte onyń ómirinde jıyrma jyl buryn kóz jumǵan ákesi qaıta paıda bolady. O dúnıeden qaıta oralǵan ol kezinde balasyna bergen, biraq oryndap úlgermegen ýádeleriniń bárin endi júzege asyrmaq. Áke men balanyń ortaq sapary kúlkili de qısynsyz, keıde júrekke tıetin sátterge toly. Oqıǵa Maqsatty ózine, otbasyna jáne ómirdiń mánine múlde basqa qyrynan qaraýǵa jeteleıdi.
«Jumaqtan bılet» atty komedııalyq drama — bul ekinshi múmkindik, oryndalmaı qalǵan armandar jáne ótkenmen tabysý týraly áserli hıkaıa.
Ótken aptadaǵy kınopremeralar tizimin osy jerden kóre alasyzdar.